මතකාවර්ජනයෙන්
කෙළි තුඩක සිත්තම් මවමින්
ඉනික්බිති ව්‍යංගයෙන්
පබැඳුම් ලද කාව්‍යයන් තුළ
ආවර්ජනයක්
හද ගැඹුරෙහි හුවාගෙන
විටෙක සවන් පත් අතරින්
ඇසී නෑසී යන්නට
සෙමෙන් මුමුණමි
කිසිවෙකුගේ සවන් නො වැකෙන්නට
පතමි දිනයක
සිහිනයක් නොම වන්නට
ඒ සිතැඟි
නිදහසේ ගැබ සරමින්
පියාපත් විහිදන්නට
අද පිය මනිනා නිවැරදි මාවත
පුස්සක් නොවී
පණ ගැහෙන නැවුම් අරුණැල්ලක් වන්නට
සිදු කරමි ආයාචන,
ගී කියන කොවුලෙකුට නොව
සවන් යොමු කරන බකමූණෙකුට
පැමිණෙන්න
නිදහස් අත්තටු මතින්
විරහ ගීයක අදෝනාවෙන්
ආල කවි මුමුණන්නට.......
K.A.Dewmini Maheshika Karunarathna✍️
No comments:
Post a Comment