Monday, September 2, 2024

වරා මලක්

 

 

නුඹගේ අපූරු වෙස් මුහුණ 

සයුරු රළ අතර

සැඟව ගොස් ඇත


ක්සිතිජ මායිමේ ගිමන් හරින

මගේ හදවත පතුළ

මුහුදු වැල්ලෙන් සිරව ඇත


වඩදිය බාදියට උදම් වන රළ

සඳ නොදන්නා රහස් වැළඳගනිමින්

උන්මන්තකයෙකු මෙන් 

හැසිරෙන අයුරු

බලා සිටිය නොහැක


හිරු සිටින දිශාවට නෙතු යොමන්නට

එක් සූරියකාන්ත  මලකට අවැසි නැත


එනමුදු,

පුදුමයකි!

සුළගින් ම අතරමං කෙරූ වරා මලක් 

නාඳුන පොළවක් මත 

තවමත් සුළඟට පෙම්

බඳිමින් ඇත.    

                 Dewmini Maheshika..✍️.

දෙව්මිණී මහේෂිකා කරුණාරත්න on

10 comments:

Subscribe to: Post Comments (Atom)