ශ්‍රී ලංකා සබරගමුව විශ්ව විද්‍යාලය

 නිදහසේ ආවර්ජන

නූපන් පරපුරක 

හිමිකම් වෙනුවෙන්

දිවි පිදූ 

වීර පුතුන්ගේ

යටගියාවත ආවර්ජනය

කරනු වස් 

ශෝකාලාප කැටි වූ

රුහිරය වෙනුවෙන්

පණ පොවා 

වැට කඩුලු බිඳ

තුන් කල්හි ජයග්‍රහණයේ 

හිනි මං පෙත් සොයා යන

සවියෙන් පොහොසත්

සිසු විරු අරගලය

මං සොයන විහඟුනි

නිදහසේ ගැබ සරන්න

සවි වූ තැන්හි

අතීත ආවර්ජනය

පාමුළ ද මදකට 

හිස නමන්න

Dewmini Maheshika

නො පෙනෙන නුඹ, දකින මම

උතුරා පිටාර යන 

ලෝදිය නදියකට

පෙම් බඳිනා

ෆීනික්ස් මම

භංගත්වයෙන් තොර 

මමත්වය

නුඹ හා මම

 

හීන්දෑරි ළඳ බොළඳ 

හැඟීම් මත 

පා පහර ලන

දළ ඇතෙකුගේ 

වේශයයි නුඹ

දෙවරක් පෙරා 

වත්කරන අමෘතයේ

අයිතිය සතු 

සක් දෙව් නුඹ

පීරමින් සක්වල 

තුන් කල්හි විජය ගෙන

අභිමනින් පා තබන

විය නොහැකි පරාජය මත

ජය කොඩි ලෙලවන

සුදු කළු දෝලනයේ 

අළු පැහැය නුඹ

යටත් විජිතයේ 

දිග් විජය පතුරවන

ඇසි පියෙන් 

සිහි මුර්ජා කරවන

භෞතික ස්පර්ශයන් 

හෑල්ලුවට ලක් කරන

සිතලුවෙන් පමණක් 

හදට ළං වන නුඹ

රෝමාන්තික යටි සිතේ 

ආගමනයයි නුඹ

අමෘතයක රස පැන්  

පරදවන

රුවක් නොමැති

පිවිතුරු ආදරයේ 

සංකේතයයි නුඹ

නුඹ නො දකින

නුඹට නො පෙනෙන

මා දකිනා 

කවි පබඳිනා

සක් රුවයි නුඹ

Dewmini maheshika✍️.

අමාවක හමු වූ තනි තරුව

 දුටිමි තරුවක් අමාවක අහසක

පැවසුවෙමි සිත සිරකළ 

අදෝනා නැඟි සැම

සවන්දුනි ඔහු 

පැවසූ සියල්ලට 

පැවසුවෙමි ආදරේ බව ද

අන් කාටත් වැඩිපුර

එදා තනි මැකූ

නුඹ

සොයාගත නොහැකි වුනි

පීරුවත් මුළු අහස් ගැබ

එළඹුණ

පසළොස්වක පොහොයක

තරු රැසක් හිනැහුනි 

විඩාවම දුරු කර

සෙවූයෙමි පීරමින් 

තනි තරුව මුළු ගුවනෙම

සොයාගත නො හී වූ තැන්හි

කඩිමුඩියේ දිවූ තරුවක් දෙස බලා

පැතුවෙමි දිනෙක

පෙරදින නො කියූ නො ඇසූ 

නුඹේ කතා අහන්නට 

සවන් යොමු කරමි 

හමු වූ තැන්හි  පටන්

මුළු සසරම

  

      Dewmini Maheshika..✍️

විරුවනි නුඹට පිං

යදම් බැඳි කුටියක

යුක්තියක් කොහිද

අමාවක අහසක

හෙලූ රුධිරය කැටිකොට

හොවා හදෙහි ගැඹුරෙ ම 

හිත් දහසක පළමු පැතුම

යමව් පෙරට ම

රැක ගනිව් සහෝදරයිනි,

දිවි පුදා හෝ 

ඒ නුඹේ අයිතිය

එදා රුහිරය 

හෙළා පුදකල

ජීවිත දහසක 

පැතුම එය විය

පන්තියක් නැති

ජාතියක් නැති

නිදහස් අධ්‍යාපනය 

සරසවිය රසවිය සවිය 

වූයේ නම් විරුවනි,

ඒ නුඹට පිං සිදු වන්නය

K.A.Dewmini Maheshika

22ssl7011