රාමුවක කොටු වූ
ජීවිතේක
මරණයේ සිරස්තල
ආවර්ජනය කරමින්
කාල රාමුවේ
හැල්මේ දුවන ප්‍රාණ
ග්‍රාමීය නාගරික
වෙනසක් කොහෙද
"මැරෙන්න උපන් මිනිස්සුනෙ"
කම්මැලියා හෙව්වෙ ම
කවදත් කෙටි
මාර්ග
මොලය හිර කෙරූ සිරකුටියක
තාක්ෂණය වුණි
සිව් බිත්තියේ
අත්තිවාරම
පරිකල්පනය,
අනුවේදනය,
සහකම්පනය
පෙනේද ආන්
අත වනන අන්දම
රුපියල දුටු තැන
හැදූ මව අමතක
ජාතියකට
කෙසේ පෙනෙන්න ද එය
මේ ගමනේ කෙළවර
පතන උන් හැමෝට ම
අමතකයි,
උන් ආයෙ ඉපදෙන විත්තිය
රාමුව බිඳි දිනයක
ආලෝකය දුටු දිනයක
සිරකුටියේ තරම වැටහේවි
නිදහසේ ගන්නා හුස්මක
✍️ Dewmini Maheshika..
