අනෝතත්තයේ නෙළුමක නො ඉපද
සදුන් ගැටයක් සුරතේ නැතිව
සත් පියුමන් මත පා නො තබා
පැමිණියෙමි,
උත්තරීතර පිවිතුරු මව් කුසක් වෙත
දුවක් ද පුතෙක් ද
අපහැදිලි ඡායාවන්
රැසක් මැද
විවිධාකාර ඝෝෂාවන් ඇසෙයි මට
මහ ගෙදර ඒකට
ඒක බඩ පිස්සගෙ අයිතිය
බුද්ධාගම ද කතෝලික ද
අහපු නැති වචන කන්දක
ධනපති පාංතිකයො
හැසිරෙන්නෙ මෙන්න මේ විදියට
පවිත්‍ර කිරි කලේට වැටුණු
පළමු ගොම බිංදුව
සිංහල නම් කාටත් පුළුවනි
සාහිත්‍යය ඉගෙන ගෙන
කැලෑ පත්තර ලියන්ඩ ද
සීයගෙ පැනයට
තාත්තාගෙන්‍ රළු පිළිතුරු හැමදාම
උළුවස්සෙන් හේත්තු වුණ
අම්මගෙ ඇස් තිබ්බෙ ම මා ගාව
හය හතරවත් නො තේරෙන වයසට
මේ අයි කමින් කියල එන්න කීවට
වචන පැටළුනත් හැමදාම
ආයුබෝවන් කියල කටපුරා කීවෙ
මම පමණයි කොලේජට ම
සූර්‍ය ඉංග්‍රීසි වලට හරි ම දුර්වල ළමයෙක්
ඉංග්‍රීසි ටීචගෙ හුරු පුරුදු දවසේ වාක්‍ය
වැකුණි කන් දෙදරන්න
වැදුනි කන් අඩි පුපුරන්න
අපරාදෙ හරකෙක්ට කන්න දුන්න සල්ලි
පහසුකම් අවම ගමේ ඉස්කෝලයක්
පුළුවනි සිරිල්ට ශිල්ප මෙහි හදාරන්න
සිංහල මගෙ මවුබස
ආගම ඔය කොයිකත් එකයි මට
රුධිරය රතු පැහැතිය
දැන්,
හිතින් මම දේශප්‍රේමී
පීඩිත පංතිය සිංහල බුද්ධාගම
මහින්ද හිමිගේ පෑන
මගේ දිවියේ දෑතට ගත් ප්‍රථම බර අවිය
ගියේද සිනහවක්
බර අවිය?
කෙනෙක් මරන්නත් ජීවත් කරවන්නත්
පුළුවන් බර අවියකි මෙය
එදා එ අයුරින් ඇරඹූ කවි මඟ
අද දින උත්සවත්ශ්‍රීයෙන්
කිරුළු පැළඳින
සිරිල් සූරියආරච්චි ඔව් ඒ මම
"මඟක වරුණ"
මගේ ප්‍රථම කෘතිය එළිදැක්විණ
"හොඳ ම දේ දුන් අම්මා ට සෙනෙහසින්"
කොලේජයෙන් අස් කර
හීන දැකි පාසලට ඇතුළත් කලේ ඇය
පාසලේ සරසවි ජය ලැබූ පළමු සිසුවා
එදා බෝහින්න ගම්මානෙන්
සරසවි පා තැබූ පළමු සිසුවා මම
එදා කොලේජයෙන් පහර වැදුනු
ඉංග්‍රීසි අමාරු වූ සිරිල් මම
"උපන් කුල මල ජාතිය
පොඩිකර පුළුස්සා දමන්න
සාමය සමඟිය සහජිවනයේ
අංකුර දැමූ පැලෑටි හිටවන්න
නිදහස් අධ්‍යාපනය වෙනුවෙන්
සුදු මල් වට්ටියක් පුද දෙන්න
පීඩිත පංතිය වෙනුවෙන්
ධනපති පංතියත් යාඥා කරන්න"
(සිරිල් සූරියආරච්චි "මඟක වරුණ" )
( මෙහි එන නම් ගම් සියල්ල මනඃකල්පිත වේ)
K.A.Dewmini Maheshika Karunarathna
22SSL7011
